Mercado Solidario en Camariñas

Data inicio: 30 xullo 10 Data fin: 01 agosto 10

Lugar: Porto de Camariñas. Camariñas - A CORUÑA

Entidade : Asociación de Empresarios Local de Camariñas

Descrición

O Mercado Solidario de Camariñas poderase visitar, no porto desta localidade, do 30 de xullo ao 1 de agosto.

Destinarase o 10% da recadación por vendas á Asociación Antidroga Abondou, de Camariñas, e aos colectivos Avante, de Val do Dubra; Íntegro de Cabana de Bergantiños; e Adibismur, de Muros, todos eles membros da Federación de Persoas con Discapacidade da provincia da Coruña (Cogami).

Impulsado pola Asociación de Empresarios local, poden participar neste mercado todos os comerciantes do municipio e outros asociados a colectivos integrados na Federación de Empresarios de Costa da Morte.

Ademais da oferta de cada expositor, venderanse artigos doados por particulares e comerciantes que queiran solidarizarse coa causa. Os interesados en colaborar con esta iniciativa solidaria poden entregar as súas doazóns no propio mercado ou ben previamente chamando aos teléfonos 677 351799 ou 662 488 253.