Mundo Mestura

Primeiro Encontro da Diversidade que a Concellería de Solidariedade promove para tender pontes de unión entre as distintas culturas que conviven na cidade. Unha fin de semana para coñecer a riqueza de linguas, culturas e costumes doutros países.

Sábado 24:

- Feira de Comercio Xusto, Artesanía e Agricultura Ecolóxica, con degustacións de alimentos de diferentes países, música de rúa, animación teatral, xincana de xogos do mundo a cargo de Solidariedade Internacional, e demostración de danzas do mundo (baile galego, danza oriental, capoeira e samba e percusión senegalesa).

- Concerto de música con raíces amenizado cun espectáculo circense con lume. Actuarán grupos de Cabo Verde, Brasil e Cuba, entre outros.

Domingo 25:

- Desfile multicultural, organizado pola ONGD Equus Zebra, que percorrerá as diferentes culturas do mundo a través da súa moda, música e bailes.

- Acto de entrega do 0,17% do orzamento xeral do Concello a unha ONGD que desenvolva un proxecto de cooperación internacional.

Inauguración ás 12:00 h

Cantón de Molíns

Ferrol